review everyday

 2020年9月 依家既我好快如無意外就可以達到今年既存款目標。 依家總是諗點可以達成下年既存款目標50萬。 希望30歲前可以如計劃一樣成功置業，大概係保住份工加上月收多2萬 或者多15萬以上。 好好建立皮鞋網店同依家穩固份工。 同上次打日記比，事情好轉得好快，但係轉好。 個人學習方面，依幾個月成功搵到partner join DXT 加3 training days，最終無入圍 但通過成個過程 有認識到有值得學習既人，比如做建築既會自已搞埋傢俬設計拎去賣，加和IT老闆，亦有機會傾下合作開公司既機會。最後我都係決定不參與一起開公司，但過程都學識唔少唔同既見解同睇法。 財政方面，搵到份工有正常糧多返份穩定收入，租客都安定好，投資左少少錢未見回報但長遠有望，財政上終算安心。 關係方面，無咩特別既分別。年年身邊都會幫自己安排有個人，朋友情人家人是但都會有一樣。 唯獨今年我選擇左花多D時間自己一個，好好工作，好好避免一些會牽動我情緒的人和事。 對上一個咁既時刻大概就係10年前18歲時，而28歲再次重覆。 同樣係當你覺得自已擁有一切時，突然間所有野都離你而去，無論係一些誤會又或者一些關係緣份既結束，到最後所有人我都係一個來到世界，之後得到某些時刻的結伴再回歸自己一人。咁好可能我知道係我個人需要整理下思緒，穩固返自己對事情既睇法同價值觀，唔洗一味去附和格離個個人。當你堅持自己既觀點就好會好多磨擦，人地會為左自保而誣蔑自已，誤會會因人云亦云不斷產生，到最後不知不覺被人恩將仇報，除左以德報怨，唔係都唔知再點面對依個世界。不争朝夕.放眼千秋。 為了長期的最終目標，而不因過程的鎖事而忘記最終目標，不因小成而或小敗而迷惑，小胜和小挫都不是最重要的。 注意自己的情緒管理，如何在無理前保持冷靜，在對立前保持頭腦清醒。